靚女嘅出路除咗做模特兒外，仲有乜嘢可以揀？有人話最多咪去唱歌同拍戲，甚至係憑藉名氣客串做吓設計師。不過人氣裸模Kitty Lea卻話畀大家知，靚女出路並非僅限於此，做乜嘢都可以好掂！
嚟自英國林肯郡一個小鎮嘅裸模Kitty Lea，早喺佢投身裸模行列前，已經憑其艷光喺城鎮內出晒名。不過夢想遠大嘅Kitty，唔想一世都屈就喺小城鎮內，於是喺佢成年後便幫男性網站客串做模特兒。由於佢外形出眾、身材玲瓏浮凸關係，故此寫真一出便即吸引到英國著名男士雜誌嘅注意，搵佢拍攝封面寫真，結果雜誌一出街便成為男士嘅焦點，更成功打低同年出道嘅一眾性感裸模，得到由該雜誌所頒發嘅「2007年最佳美乳新人獎」，不但令Kitty一夜成名，更奠定佢喺全球裸模界嘅地位。挾住超高嘅人氣，Kitty亦同其他人氣裸模一樣涉足演藝事業，不但經常現身電視節目中，更於2010年喺英國電影《Blood Army》飾演Munchy一角，開始踏足電影界。
除咗喺模特兒同演藝事業有唔錯嘅發展外，Kitty喺其他範疇同樣取得成功，而當中最引人注目嘅就係啤牌玩家嘅身份。有人以為索模兼做啤牌玩家有唔少，Kitty又有乜嘢特別呢？事實上佢並非一般嘅啤牌玩家，除咗經常喺賭枱上贏錢外，更得過啤牌比賽嘅冠軍。Kitty之所以牌技出眾，全因佢前男友係個神秘嘅專業啤牌玩家，Kitty透過佢傳授牌技，學得一身好本領！及至現在，Kitty仍然繼續佢嘅啤牌玩家之路。她透露，近來佢正積極學習打碟技巧，事關佢希望喺2013年內以DJ身份現身喺大家眼前，帶畀大家新鮮感。如此多嘅瓣數，又要瓣瓣都掂，Kitty果然好嘢！
想更深入了解Kitty嘅生活同埋想睇多啲佢嘅靚相嘅話，最好嘅方法就係入去佢個專屬網頁度睇吓。裏面嘅內容做得相當紮實，而靚相嘅質素亦高。不過如果想睇多啲嘅話，大家就要畀錢入會喇！
網址：www.misskittylea.com/index.php
出生日期：1988年12月19日
身 高：5呎6吋
三 圍：30DD、23、32
撰文：魂