人紅就唔使成日蒲頭谷宣傳，好似美國脫星Chanel Preston咁，一直以嚟都好低調，甚少出席公開場合，但依然好多麻甩佬Like佢，Chanel姐更成為今期最受歡迎脫星，認真巴閉！
四仔界無人不識嘅Chanel Preston一向低調，即使有新作品推出都唔會出嚟做宣傳，據傳媒話最近一次見佢蒲頭係今年2月嘅四仔頒獎禮，皆因阿姐有獎攞，否則想佢出現都好難咯。而有留意Chanel嘅專屬網站的話，會發現大部分作品嘅拍攝場地都係響豪宅，原來正係Chanel姐嘅香閨，安坐家中就可以搵到食，你話幾巴閉！
此外，Chanel姐繼之前奪得2013 XBIZ Award: Best Scene-Gonzo/Non-Feature Release獎後，最近成人網站AEBN.net就公布阿姐佢成為今期最受歡迎脫星。外界以為Chanel會好開心，點知當事人好平淡咁向傳媒話：「都見怪不怪啦！對於咁多四仔迷支持正版四仔我好欣慰。」講完，換轉係其他一姐如Alexis Texas、Lisa Ann等，睇怕都會晒吓波，讚吓四仔迷啩！
AEBN.net網站喺歐美四仔界非常有公信力，全名Adult Entertainment Broadcast Network，於1999年成立，總壇喺美國夏洛特，主要銷售歐美四仔碟及網上四仔，存片量超過10萬部，全球會員超過1,000萬人，每月平均有300萬人瀏覽網站，喺業界可謂一間具分量嘅色情網站。
對於今次Chanel砌低一眾姊妹成為最受歡迎脫星，官方解釋係按AVN.com及XBIZ兩大龍頭鹹網嘅十大脫星排名，再篩選而得出結果，獎金就冇喇，但肯定今年Chanel姐會繼續紅到爆，勁呀！