講到近年中國同南韓嘅足球界，都好似少咗啲出類拔萃嘅球王級球員。不過，身材好到極點，特別係上圍脹卜卜嘅波后卻有唔少，江伊涵呢位中韓混血兒就係其中一位喇！
好多知名模特兒都係混血兒，而其血統多來自歐洲同亞洲，老實講，佢哋鬼鬼哋得嚟又似亞洲人咁五官標致，加上身材高挑，又真係幾索！不過，係咪歐洲同亞洲混血兒先至咁索呢？未必，中日、中韓等亞洲國家交流而誕生嘅混血兒一樣索到啪啪聲，就好似江伊涵咁。今年22歲嘅伊涵父親係中國人，母親就係南韓人，其面容美艷動人，迷人魅力足以顛倒眾生。擁有美貌同一雙攝人眼神之外，伊涵仲有一副魔鬼身材，高度5呎6吋配合34-24-36嘅三圍，胸前嘅重型F-Cup導彈外觀誘人，條小蠻腰又苗條又柔軟，加埋大小適中嘅圓潤靚躉，真係正到冇朋友！難怪被稱為2010年最火辣足球寶貝。
江伊涵又靚又好波，加上畢業於中央戲劇學院，一登舞台就可以表現出風姿綽約，散發動人神韻，2009年參加國際小姐總決賽，成功奪得最上鏡獎。同年，阿妹更成為「2009年十大影視新人」嘅最具潛力影視新人獎。此後，伊涵甚受影視界歡迎，拍過嘅電視劇有《女人淚》、《誓言無聲》等，參演嘅電影亦有《幸福的味道》以及《我不是小三》。上年，黃宗澤同胡杏兒分手，據聞導火線就係黃生返內地演出嘅時候，搭上江伊涵。而阿妹曾經為此事開記招，聲淚俱下咁話自己唔係小三，佢哋兩個分手唔關自己事云云，當然事實係點就真係要當事人至知喇。
江伊涵幾乎會將自己每日嘅一舉一動拍下照片，兼且上載到微博同網友分享，大家Click上去就一目了然，清楚阿妹嘅最新動向。
網址：http://weibo.com/jiangyihan1990