成日介紹啲兩性工具書畀大家，內容全部都係招來招往，今日一於轉轉口味，推介一本比較軟性嘅書，書名叫《曼哈頓慾望手札》，作者龔邦華，係台灣某大電視台特派美國嘅記者，佢嘅工作除咗報道當地新聞外，亦會把所見所聞寫成專欄刊出，而內容取材主要講述紐約地區色情男女嘅眾生相，題材既新鮮又大膽，例如會寫上流社會俱樂部、夜遊黃金時段、性騷擾、臨老入花叢等，雖然文章唔係篇篇都以性為主題，但作者用幽默而戲謔嘅筆觸，寫出不一樣嘅看法，最搞嘢仲會將中西兩地嘅文化差異分析出嚟，令你會心微笑，原來好多嘢我哋中國人會好緊張，但對外國人嚟講就毫不重要，當然亦有彼此相反的事情。作者希望透過作品解釋，當大家了解後就會減少不必要嘅誤會。