自小習舞，練得一身骨骼精奇，有索樣兼弗爆架生，可以跳舞或橋模雙線發展，點知喺2012年失驚無神剝走件衫，全職裸模，突然到連外界都消化唔切！
如果命運能選擇，當事人話都會再剝一次！因為剝衫畀到佢嘅滿足感，即使成千上萬觀眾現場睇佢跳舞，都唔及男人對佢嘅性幻想來得激烈喎！出自Page 3 Girl嘅 Nicole Neal，外界想起佢底好難，連英國傳媒都唔知阿妹邊年邊月出生，有消息指係92年或更後，三圍反而非常清楚：32D-22-32 。點解？皆因阿妹一切由內衣模開始。
話說喺2011年初，當地一間叫Ann Summer嘅內衣公司搵Model，傳媒話Nicole Neal憑住市場少有嘅超靚金髮、Cool爆嘅表情及豐厚嘅嘴唇成功入圍，當然最大原因係佢對唔浮誇又堅挺嘅靚波，令佢砌低其他對手，成為品牌御用Model。拍完內衣寫真後，Nicole Neal發現內衣已教男士神魂顛倒，如果露多一手，睇怕男人會噴血而死！終於喺2012年9月，阿妹失驚無神出現喺雜誌封面，成功露兩點，加入裸模行列！
正如先前所講，外國傳媒對Nicole Neal非常感興趣，無奈對佢背景真係一無所知，因此大家只好透過社交網了解佢更多，令阿妹一出道後twitter嘅Followers即急增到15,000個，拍得住班師姐如Holly Peers、Lucy Pinder等，當事人更絕不比前輩遜色。有評論指係近年歐美成人模特兒取向，以黑髮及健康古銅膚色突圍，反而欠缺金髮及白淨身段，Nicole Neal嘅出現正好平衡市場需要，難怪一出現即受外界注視。阿妹亦認為一頭金髮對於喺模特兒界更易突出自己，加上佢有跳舞底，對於拍攝工作非常有利，擺性感甫士同時仲可擺啲奇怪動作吸睛。
出道時間短，但人氣火爆，Nicole Neal自言係預料之外，對於將來未有任何打算，暫時只希望將修讀嘅美術美感運用喺工作上，若然有機會最想開一間跳舞學院，親自授舞喎！如果阿妹教艷舞，細佬必定第一個報名囉！
出生日期：1992年
三圍：32D-22-32
身高：5呎5吋
簡介：阿妹出道不足一年，但社交網就超越15,000大關，隨時多過班四仔脫星，而佢亦不時發Tweet同大家分享生活趣事，想了解更多，記得（目及）實！
網址：https://twitter.com/MissNicoleNeal
撰文：祖