小弟約班兄弟去酒吧飲酒，通常都會揀6點至7點，無他嘅，呢個鐘數較少人，唔使逼又唔會咁嘈雜，方便成班兄弟把酒言歡，仲剛好係歡樂時光時段，埋單特別平，亦因此自己對澳門After 6情有獨鍾。After 6位於氹仔，內裏裝修雅致，充滿時尚而瑰麗嘅感覺。而幾面牆壁之上，掛上散發優皮士年代嘅海報，感覺懷舊又唔俗氣。如果兩個人落去，可以選擇坐到有格調嘅吧枱，叫杯特色雞尾酒，欣賞調酒師熟練嘅調酒技巧，再細細品嘗美酒。而三五知己亦可以坐到闊落大廳，一邊飲酒，一邊唱卡拉OK。嫌自己歌喉一般唔想獻醜，仲可以玩吓擲飛鏢，一樣充滿樂趣，同朋友愉快咁消磨一整晚。