渡海濠情：小三埋身身家任佢分
美國有個石油大亨因為婚外情要同太太離婚，最後法院判佢老婆分得880億嘅身家，成為全球最貴離婚官司。嚟自凱旋桑拿嘅童童，佢話唔使嫁入豪門，都可以分到大大筆，究竟用乜嘢方法呢？
捉姦在床
童童話：「可以嫁入豪門當然最好，但我覺得做小三先至最有用，因為只要搵到大老闆，就可以同佢老婆合作，嚟一場裏應外合，實行捉姦在床，人贓並獲，只要合作成功，大婆離婚後，分完身家，我嗰筆合作費都唔會少得去邊？而且個男人如果仍然對你暈晒大浪嘅話，話唔定佢離婚之後就會娶你過門，到時候你做咗大婆，又可以再搵啲小三嚟照辦煮碗整多一鋪，話咁快就可以分到佢副身家啦！」呢招真係好絕，真係要小心呀！
好搵得多
童童話：「以我哋嘅學歷家底，要嫁入豪門，有排都未輪得到，但做小三小四就絕對手到拿來，只要加多兩錢肉緊，啲男人就會嗒晒糖。而且計落，小三可能賺得多過大婆，事關個男人包養你時，可以先搵一筆，佢哋同老婆離婚之後，又可以收一筆，到入主做大婆時，再狠狠鑿佢一筆，之後離婚時，再敲佢一半身家，小數怕長計，四個階段搵搵埋埋，絕對和味，而且做大婆嗰段時間，仲可以鞭策個老公搵多啲錢，等佢身家再厚番嘅時候，先出手都未遲。」
童童Profile
年齡：20歲
三圍：34-23-34
撰文：小德
攝影：阿章