家陣澳門啲桑拿浴室，除咗囡囡嘅服務夠專業之外，連佢哋廚房嘅服務亦愈嚟愈進步，好似南灣嘅大富豪桑拿，新裝修之後，連廚房都進行大革新，推出多款美食，令客人大飽口福。當日上到去坐喺大廳，突然有一陣芝士嘅香味撲鼻而來，令人食指大動，回頭一望，原來有客人正在食緊芝士大蝦伊麵，啲海蝦隻隻拳頭咁大，一睇就知肉厚膏肥，彈牙爽口。據講廚房選用嘅芝士，並唔係普通貨色，而係意大利嘅名牌芝士，所以香氣撲鼻，於是二話不說就叫服務員整碟歎吓。話咁快新鮮熱辣嘅美食放喺面前，一碟有成四五隻大蝦，單係食蝦都值回票價，將伊麵配埋芝士濃汁，整多兩滴辣椒仔落去，真係好食到連碟都想食埋，以西式料理方式嚟製中式食品，真係別有一番風味。到埋單時，攞多張一百蚊出嚟，仲以為唔夠，點知咁大碟伊麵都只係收廿五大元，早知食多幾碟啦！