九十年代尾，小弟剛夠18歲，生日嘅時候梗係要做一樣特別嘅事情嚟慶祝啦！唔係去蒲，而係入戲院睇一套充滿青春魅力嘅三級片，呢套就係《Frivolous Lola》（港譯《不知不覺誘惑你》）喇。到家陣小弟仲對此片印象深刻，相信各位朋友就算未睇過，亦可能對呢套戲有印象，因為電影廣告嘅大相，影住當時青春無敵嘅女演員Anna Ammirati，邊踩單車邊露出豐滿渾圓嘅頂級靚股，佢仲笑得燦爛而天真，真係相當誘惑。
《不》呢部法國情色喜劇於1999年上映，由有法國情色片皇帝之稱嘅大導演Tinto Brass執導，故事講述Anna Ammirati飾演嘅美少女羅拉，因為太希望破除處子之身，享受翻雲覆雨滋味，多次向做麵包師傅嘅未婚夫求歡。但未婚夫礙於要打理麵包店，加上宗教信仰促使佢拒絕婚前性行為，最終令羅拉一度心灰意冷，轉而向母親嘅男友施以百般誘惑。雖然二人瞞過母親大玩調情遊戲，最後都畀母親撞破好事，而羅拉仲保得住處子之身。後來，羅拉都係覺得自己鍾意未婚夫，因此最後都得以順利完婚。
《不》片充滿浪漫又誘人嘅法國情懷，加上女主角Anna當時只得19歲，青春誘人之極，而佢嘅一身性感清爽夏日小背心同短裙裝扮，令豐滿又鮮嫩嘅胴體大大誘惑觀眾嘅眼光。Anna活潑而奔放嘅演繹，加上一幕自搣下體毛髮嘅場面都流出自然感情，令作品唔單只誘惑味濃，仲多一份難得嘅純真。
撰文：賢