歐美脫星拍一鑊床戲有幾多銀落袋呢？睇怕都唔會有60萬港元咁多啩！而法籍脫星Katsuni呢鋪唔使剝衫、唔使做愛，就可以穩袋62萬港元，真係發夢都笑醒啦！
Rapper乜都噏，但唔代表乜都得，未經許可侵犯版權一樣會被人告！話說早前Katsuni透過律師控告法國饒舌歌手Bow Wow喺佢嘅MV《Drank in My Cup》內，未經授權盜用Katsuni一幕鋼管舞表演，結果Bow Wow需要向當事人賠償8萬美元，折合約62萬港元，及停止播放該MV，對Bow Wow嚟講，真係賠到Wow Wow聲囉！
現年33歲嘅法越混血兒Katsuni，出生於巴黎，原名Celine Tran，於2002年入行後，由法國剝到美國至今拍攝超過100套四仔，主打癡女形象，男女通殺，床上爆完又爆，喺四仔界非常吃得開，每年各大成人電影頒獎禮都會有份提名，足見其演技有番咁上下。
雖然Katsuni全身都打假，但係仍然深受四仔迷歡迎，加上阿妹愛玩重口味就更加Like啦！近年Katsuni嘅專屬網站愈做愈勁，艷舞表演、色情視頻等乜都有齊，而月費只係7.45美元（約港幣58元），你話攞62萬元去入會，真係睇到死嗰日都未睇完呀！
撰文：祖