近年韓國文化席捲全世界，連韓國男生追女仔嘅絕招，都出書兼發行到全世界。今日介紹嘅呢本新書，作者係喺韓國自稱「把妹達人」嘅梁太民，佢喺網上設立咗Bad Boy Life Style群組，所講嘅追女理論和技巧，深受年輕人歡迎，近年佢以專家身份著書立說，不停上節目、辦講座，而佢呢本書叫做《把妹瞬殺進化論》，以提高秒殺囡囡為目的嘅工具書自居，聽落好似好勁！不過，更勁嘅係佢嘅副題「搭訕到上床手到擒來速成45招」，小弟睇過書裏面嗰45招，雖然好多都係理論，但立論十分新穎，讀者只要掌握箇中理論，自能靈活運用。睇完本書後，個人自信同魅力應該都會提升不少，唔會再成為溝唔到女嘅可憐蟲。