早前一樁新聞不禁令男士們吃驚，喺成都大街大巷之上，居然有名強悍女子強暴男人，該男人點都唔肯就範，話晒都眾目睽睽之下嘛！點知個女人仲未罷手，打到個男人肯做為止。呢件事令我諗起一套經典嘅情色巨著，就係《Baise-Moi》喇。呢部法國電影嘅中文譯名有好多，有《悲情城市》、《強暴我》、《姐妹情色》等等，其中以《姐妹情色》比較斯文。該片於2000年上映，被列為世界十大禁片之一，除咗基於片中出現好多粗口之外，仲有唔少血腥虐殺以及性暴力情節。
電影故事講述一個被人強暴過嘅少女，同一名慘被男友逼去接客嘅妓女相遇，而佢哋互相支持嘅方法就係搵男人復仇，先係搵侵犯過佢哋嘅男人落手，後來連路人甲乙丙都唔放過。佢哋對付男人嘅方法係逼對方做愛，滿足完自己對性愛嘅沉迷之後，就用各種殘忍手段將對方虐殺，場面充滿色情、血腥同暴力。由於故事以女性身份強暴、虐待男人，並以此為樂，一反時代傳統又變態，加上拍攝手法寫實，所以被唔少人認為係情色電影嘅經典。
撰文：賢