模影模蹤:車模女王吳雨嬋

要數當今車模王者,一定有佢份,就係嚟自武漢嘅靚女吳雨嬋,阿妹09年出道,就喺車模界同車展界闖出名堂,內地每次大型車展,冇佢出現即時就會少咗一份光彩,相反有佢出現就勢必哄動,而且話題多多。

製造話題

吳雨嬋出道時參加過一個亞洲珠寶形象大使嘅選舉,以佢嘅身材樣貌,加上高貴氣質,輕鬆勇奪全國冠軍,而且仲喺老家嘅職訓學校,擔任珠寶模特兒嘅高級講師,但佢冇喺珠寶界發展,反而喺09年被展商邀請,出席南昌國際車展,當時雨嬋以175cm嘅身高,加上清麗脫俗嘅外表,深受龍友們嘅歡迎,自此踏上車模嘅行列,更被網友封為「漢中最佳車模」。雨嬋出席過青島、北京、上海等國際性大型車展,讓佢慢慢了解到除咗要外表,仲要懂得製造話題,才是成功之道。再者,咪睇雨嬋斯斯文文,原來佢對導彈,竟然係35吋G級,你話唔露真係有啲浪費。

性格內向

此後,雨嬋每次喺出席展覽服飾上,都有驚人嘅表現,一時中空,一時透視,有時仲會走少少光,加上有其他車模都以性感形象出現,傳媒必定互相比併,成為城中熱話,令參展商開心之餘,佢嘅粉絲亦深表滿意。近年雨嬋都專注喺車模嘅工作上,拍咗好多與車有關嘅照片,全都以性感為主,有人會奇怪問點解喺其他媒體好少見佢曝光,原來雨嬋外表豪放,但其實十分內向,平時出外只為兩樣嘢,一就係做做運動,保持身材;二就係陪佢心愛嘅狗狗散步。當記者問佢有啲乜嘢理想時?答案出人意表,佢嘅理想竟然係做個牧馬人,與天地為鄰,咁佢究竟係好動定好靜?係內向定外向呢?真係估佢唔到!

專屬網站

簡介:吳雨嬋是車模女王,所以收錄最多照片嘅,自然係車模網,網內不少雨嬋嘅活動照片,唔少噴血度極高,真係要小心觀看。

網頁:http://model.auto.sina.com.cn/info/152/

吳雨嬋Profile

出生地:武漢

三 圍:35-24-35

身 高:175cm

撰文:龍四海