最近喺尖沙咀寶勒巷有新Clubbing開張，喜愛夜蒲嘅朋友就開心，呢間新場叫做Viva Club，面積都幾大，舞池可容納三百多人，而且裝修十分前衞，好有太空科幻嘅感覺，每晚都有DJ打碟助興，喜歡跳舞嘅朋友，保證可以跳到抽晒筋；而且仲有四間貴賓房，每間最少可容納十幾廿人，自成一國，除咗可以跳攰咗休息一下之外，仲可以畀你一展歌喉，貴賓房嘅音響唔錯，絕對可以讓你盡情開個小型個唱，每間房最低消費五千至八千元。此外，逢星期二、四係女士之夜，女仔嚟玩一個仙都唔收，而男生就收四百元，記住呢兩晚更加要嚟捧場呀。