好多人嘅新年或生日願望都係世界和平，講真我都唔想打仗，除咗因為有人死傷，以及搞到經濟下滑，若然出現宵禁仲會影響到我哋冇得夜蒲添！而日本水着妹紗綾就曾經為和平而出力，真係抵錫！
有云女大十八變，好多女仔細細個嘅時候其貌不揚，甚至畀人話醜樣，但係一旦大個女，就由醜小鴨變身為迷人嘅天鵝，紗綾就係一個好例子。今年19歲嘅紗綾，小學五年級就已經出道做模特兒拍商業廣告，當時阿妹個樣有少少豬，甚至有人話佢醜樣，由於當時其身材已經發育得相當良好，故此依然有事務所搵佢拍寫真DVD，更加安排佢同其他嫩模好似岡田留奈以及謝茜嘉，合組為少女組合「Sweet Kiss」活躍於藝能界。隨住時日推進，家陣嘅紗綾變咗好多，除變得俏麗可人，笑容之甜美更加令佢好似小天使咁逗人喜愛。而最多男人喜愛嘅相信係阿妹嘅一副好身材喇，因為紗綾一對33F美巨乳又大又挺又彈力非凡，拍得住童顏巨乳代表嘅篠崎愛。
紗綾升讀中學嘅時候，Sweet Kiss解散，但係佢就同另外兩名女優井井口梨央及井口李南組成新組合「CHASE」，更加為電視台綜藝節目《激鬥！偶像補習班》演唱主題曲《CHASE ME！》。不過，兩年後組合又解散，而一直以歌手作為發展路向嘅希望似乎漸漸幻滅。其後轉職做水着女優嘅紗綾發展卻係一帆風順，冇計啦！阿妹身材咁好，又豐滿又白滑嘅胴體，加上青春嫩口又好笑容，男人唔鍾意就假啦。阿妹水着事業嘅成功，除咗同上述外在條件有關，亦可能同一件事有關。2005年，中國民眾嘅反日情緒一度高漲，仲出現好多反日網站。呢個時候，唔知邊一方面嘅和平主義者好有心咁將面帶微笑嘅紗綾相片，上載到該類網站，呼籲大家冷靜克制，降低反日情緒，由此成為中日和平大使。事件除咗令紗綾人氣上升，近年仲被選為北九州市特命旅遊大使，今年又做埋北九州市議會議員選舉出嚟嘅「PR隊長」。
紗綾工作相當忙碌，又要拍寫真，又要參與綜藝節目，仲要四圍為北九州市做宣傳，想知道佢最近又忙乜，上佢個博客啦！
網址：http://ameblo.jp/saayablo/
年齡：19歲
身高：5呎
三圍：33F-24-35
撰文：賢