維港夜景固然令人心醉，而濠江嘅夜景同樣令人迷倒，若然能夠邊欣賞濠江迷人夜色，手執一杯美酒輕酌嘅話，如此享受實在無與倫比，澳門Lounge 38就畀到咁優質享受大家。
位於酒店38樓嘅Lounge 38，高樓底、布置合理嘅座位、大型落地玻璃窗，本身已經提供到極大嘅空間感，而佢所附設嘅露天雅座，配以舒服嘅大型真皮梳化，不但讓人可以舒舒服服地邊嘗美酒，邊眺望濠江夜景，同良朋佳友把酒談歡亦係一樂也。此外，Lounge 38取名亦有其獨特之處，事關佢網羅咗嚟自世界各地名酒供酒迷選擇，38種威士忌、38種干邑、38種葡萄酒，加上同場加映嘅水煙同雪茄，配合樂隊嘅現場獻奏，實在叫人樂而忘返。
地點：澳門氹仔大馬路新濠鋒酒店38樓
營業時間：星期日至四下午5時至凌晨2時；
星期五、六及公眾假期下午5時至凌晨3時
查詢：（853）8803 6868
撰文：魂