小弟讀書時期好想日子快啲過去，離開沉悶嘅課堂。不過，到出身之後，至發覺以前在學嘅日子舒服，起碼唔使睇老闆面色，又唔使面對複雜嘅人事關係，真係後悔當年唔勤力少少，可以享受到多啲讀書嘅樂趣。
而小泉麻耶就冇後悔過被踢出校，因為咁樣可以令佢專心發展事業。
想知道一個日本AV女優仲係咪活躍，可以從不同嘅AV銷售網站當中搜尋，搵到一兩部作品就可以證明該女優未引退。不過，水着妹就唔同，因為佢哋可能一段長時間唔出寫真集又唔出寫真DVD，但又有其他工作進行中，好似小泉麻耶咁，已經有成一年多冇推出寫真集，但原來佢期間嘅工作相當忙碌。24歲嘅麻耶出道6年，雖然相貌未必係芸芸水着妹中嘅靚女，可能仲有人覺得佢生得怪怪哋，不過論身材則可以係最堅嘅一個！身高5呎6吋嘅麻耶，雙腿又長又幼之餘，條腰得23吋，最重要係上圍擁有一對令人一見鍾情嘅35G美巨乳！此乳形狀呈水滴形，夠雪白仲夠堅挺彈手，令其胴體接近完美。
由於小泉麻耶身材好到不得了，所以出道拍水着寫真以來一直大受歡迎。不過，受歡迎嘅背後原來隱藏住一段痛苦經歷。據聞，阿妹出道嘅時候仲讀緊中學，而正當佢喺水着界嶄露頭角之際，學校知道佢參加寫真拍攝，於是以「學校宗旨不准許在學學生參加藝能活動」為理由，將阿妹踢出校。雖然阿妹熱衷於拍寫真，但係亦心繫學業，所以向校方上訴，繼而鬧上法庭。而法庭最後判決指，阿妹應該喺入學嘅時候就知道有關宗旨，但都係刻意咁做，擺明係明知故犯，所以判阿妹上訴失敗，都係要離開學校。冇書讀嘅麻耶專心發展藝能事業，成功於特撮片《女神戰隊》中爭取一角。最近，麻耶更加榮升女主角，演出電影《從暗黑伸出之手》，據聞呢部電影仲有機會被提名參與影展，到時阿妹嘅名氣同地位又可以得到提升喇。
最近小泉麻耶拍攝嘅電影《從暗黑伸出之手》已經完成，並且鐵定於今年3月23日於日本上畫，大家有興趣可以Click上相關電影專頁，睇一睇預告片。
網址：http: //kurayamikara.com/
年齡：24歲
身高：5呎6吋
三圍：35G-23-35
撰文：賢