渡海濠情：維繫感情有辦法
想夫妻關係良好，據美國有大學研究所得，兩公婆定期以文字對兩人感情和生活關係做個小總結，生活會更幸福美滿，因為有關報告會讓彼此了解對方需要，從而積極面對。嚟自龍會嘅恬恬，佢都話要做吓呢啲報告喎！
成日鬧交
恬恬話：「我以前唔識呢啲嘢，成日都同男朋友鬧交，啲男仔唔受得鬧，所以成日一個換完又一個，到咗最近呢個男朋友，佢話為免成日吵架，一有激親對方或者自己做得唔啱嘅事，就唔好收埋收埋，應該以便條把不滿嘅事寫出嚟留畀對方。我覺得呢個方法都幾好，因為我嬲對方或者對方嬲我嘅事情，當時係會好慶，但過後一睇，就會覺得好小事，有時甚至好好笑，當對方一道歉，事件就會馬上解決，即晚仲可以同男朋友親熱添！」
徹底解決
用便條傾訴都唔錯，咁仲做乜嘢總結呢？恬恬話：「啲男仔好小器，有時係自己錯，道句歉冇乜所謂，但有時唔係自己錯，就冇必要道歉，以便條寫幾日幾夜都可能未寫得完，所以我贊成定期面對面、坐定定開個會做個總結，把呢段日子嘅不滿盡訴心中情，有得解決就解決，冇得解決都等對方明白，而且雙方都有答辯嘅時間，總好過畀一方講晒。」聽落又幾有道理，大家不妨試試。
恬恬Profile
年齡：21歲
三圍：36-25-35
撰文：小德
攝影：阿文