相信好多朋友都睇過古人所畫嘅春宮圖，不少畫功唔錯，內容出位。今日要介紹畀大家嘅情色讀物，類似古人嘅春宮圖，但配以武功口訣，唔知仲以為係武林秘笈，原來全本都係床上淫技絕招。呢本咁鬼馬嘅圖書，名叫《狎客行 九真陰經》，作者麥人杰，係台灣嘅資深插畫師，佢以武俠世界嘅人物，畫咗32張男女交合嘅春宮圖，配以招式名稱同埋修煉方法，而32招當中，作者再細分為立姿、臥姿、器械和神技等四路。而所謂神技，絕對係神乎其技，大家睇吓就好，咪真係跟住修煉，否則後果自負。該書2004年推出初版，一推出就賣斷市，至今年1月10日出版商至再版推出，喺當地自然引起搶購潮。香港嘅朋友想喺書局買本嚟學吓嘢都幾難，建議大家喺網上認購，話唔定可以買到一本傍身，但正如作者奉勸大家，呢啲秘笈學還學，但勿因自娛而自誤，切記！切記！