有些人，老覺得自己是情聖，明明知道歡場難有真愛，偏偏相信自己是唯一的例外，當然，十之八九都是碰壁收場的。B在深圳的故事是朋友圈中最近流傳的，早兩天撞到B，我向他求證，他也大方承認：「當買一次教訓啦。」幸好，這個教訓的代價不算很大，一千幾百，他付得起。故事的開始是他如常到一家推油場按摩，他一向慣Mark定一位技師，據說就是他正在出力溝的一個女機師，幾乎每星期也會上去捧兩三次場，終於，皇天不負有心「淫」，囡囡答應跟他出街了。
「原本計劃係同佢唱個K，食埋餐飯，就爆房去，點知以上嘅嘢做完，同佢經過商場，佢話想睇吓衫，咁女仔都開到聲唔通唔去咩？嗰刻雖然知賴嘢，但都要頂硬上啦。」不幸中之大幸是，技師買起東西來算是非常有節制，而且也總是會相當識做地靠到B的身前來說：「這東西會太貴嗎？」男人面對這樣的軟功，大都無招架之力，結果埋單盛惠七百大元。
「雖然係FOC（Free of Charge），但最後埋單一計，全日消費成兩千蚊，夠我上深圳食六、七次大餐啦。」做情聖，當然是要有代價啦！
撰文：黃韋龍