日本流行美少女陪睡服務，據店長講絕對不含色情部分，客人最多只可以抱住囡囡瞓覺，想掂吓其他地方都唔得，但最近日本警方竟大肆掃蕩，喺秋葉原就拉咗四間店嘅店長，剛剛講話冇色情成分，點解又會畀警察拉呢？衰就衰在四間店嘅店長都請咗未滿18歲嘅囡囡做陪瞓，所以違反當地勞動法例而被拘捕，據聞一啲請合法年齡囡囡做陪瞓嘅店，都被口頭警告，原因話擔心陪瞓店會成為罪惡溫床，所以有意取締，好多網友得知都大表反對，話有關方面戴咗有色眼鏡嚟執法。人哋咁純潔，你哋心邪就要人執笠，真係唔要得！
撰文：小德
選美會講求嘅係要佳麗儀態萬千，只係日本呢個選美會卻認真特別，參選佳麗唔單止要着透視薄恤衫玩透Bra同露底，嚟個彎腰倒奶之餘，仲要趴地兼擘髀！選美啫，使唔使玩得咁激呀？原來呢個係日本一年一度平面模特兒界盛事「Miss Flash 2013」選美會，據講但凡喺呢個選美會脫穎而出嘅靚女，個個都會紅到發紫。難怪參選嘅佳麗個個都係日本男士至愛嘅童顏巨乳之餘，為咗可以喺一眾索女中突圍而出，搞到玩高難度動作兼且露埋底，好似呢位得獎女優永井里菜，就至叻擘髀玩一字碼，問你服未！
撰文：魂
超過400名裸體愛好者，雲集喺悉尼海港國家公園剝晒光豬游水，究竟為咗乜？咪就係為咗籌款囉！呢個名為「Sydney Skinny」嘅裸體泳賽，於今個月17號舉行，而活動嘅目的並非只係裸泳咁簡單，而係幫Middle Head國家公園籌款，等佢哋可以增建步行徑同用作公園發展嘅資金。每位參加泳賽嘅裸體人士，要鬥快游畢900米嘅賽程，而每位完成賽事者，都會獲大會送上紀念大毛巾。至於冠軍有乜嘢獎品？唔好意思，係冇嘅！據大會講，大家嚟玩只係為咗籌款，爭冠軍並唔係活動嘅重點。
撰文：魂
睇四仔呢家嘢梗係要匿喺屋企，慢慢睇先至有情趣。不過內地卻有廣場竟然喺眾目睽睽之下，喺過百呎嘅巨型屏幕度播四仔，唔通佢哋想大家分享睇四仔嘅樂趣？喺今個月16日，位於中山市嘅一個廣場，便上演呢幕驚爆播四仔事件。話說有人當日下午經過廣場，赫然發現大屏幕竟然播出歐美四仔，有吹奏戲又有肉搏場面。據有關當局調查後，稱有工作人員誤將電腦嘅不雅視頻，錯放於正常嘅廣告播放文件夾所致，仲話會嚴肅處理云云。不過話說回來，點解電腦度會有鹹片呢？呢層真係耐人尋味。
撰文：魂