渡海濠情：禁賣安全套惡果有排數
據報指新加坡某大學內嘅藥房，竟把全部安全套下架，唔通袋袋出現問題？事件惹起學生們嘅關注，而負責人就話係奉校方之命，但校方就作出否認，網友推測可能同連串喺校內發生嘅性醜聞有關，而嚟自龍會嘅甜甜就話，冇袋袋隨時後果更嚴重。
乘機唔用
甜甜話：「有袋袋賣嘅地方，唔見得風化案多咗，但冇袋袋賣嘅地方，風化案件亦唔覺得會少咗，所以袋袋同風化事件或者性醜聞，係冇必然嘅關係，何必多此一舉呢？何況袋袋已經係生活上嘅必需品，住喺大學裏面嘅，唔只係學生，仲有好多職員同教授，唔通佢哋就唔能夠有性生活嘅要求嗎？所以計我話，一於袋照賣愛照做，唔好畀男方乘機有藉口唔用，校方到時仲頭痛呀！」咁又點解呢？
大肚返學
甜甜話：「啲男仔有時明知樓下有袋袋賣，都會借頭借路唔去買，依家知道成個校園區都冇袋賣，佢哋仲唔乘機博懵，如果啲囡囡把持唔住，就會好大件事，快則四個月，慢則半年，到時個個大住個肚返學，呢單醜聞更熱爆全球。而最搞笑嘅，追查原因竟發現係怕再有性醜聞而停賣袋袋，真係笑大所有人嘅口呀！」一睇甜甜就知道係有腦之人，聽妹一席話真係勝讀十年書，我都係買定多啲袋袋以備不時之需。
甜甜Profile
年齡：21歲
三圍：34-23-34
撰文：小德
攝影：阿文