今日，「模」呢種職業變得好「模糊」，有模、網模、橋模，仲有新增嘅「慈模」！即係既做慈善，但又日夜剝衫嘅裸模，而當事人解釋，剝純粹係吸引大家眼球，最希望外界注意佢嘅好心地！
事實做慈善公益係無分貴賤，o靚模都可以熱心公益，但佢哋出發點可能唔及今日主角Lacey Banghard嚟得真心囉！因為阿妹由參加比賽入行開始，所得嘅獎金已捐晒畀慈善團體，其後又經常替大小團出騷籌款，封佢做「慈模」代言人都唔過分吖！
2011年，Lacey Banghard參加英國《太陽報》Page 3 Idol選舉，當年只得18歲嘅佢不但發育完整，仲有種發熱發亮嘅光芒，傳媒形容佢有外形、有美態更有同齡參賽者欠缺嘅智慧！最後阿妹以大熱姿態由公眾投票勝出，而阿妹聯同亞軍Jasmine及季軍Clare將所得獎金近十萬英鎊，幫助過千名患乳腺癌病人。事後阿妹接受傳媒訪問時表示，能夠幫到人比起自己得到獎金更感歡喜若狂！
Lacey Banghard好清楚自己入行剝衫目的，原來係因為不幸童年，阿妹自爆爸爸係印度人，喺佢好細時父母已離異，得Lacey同媽媽相依為命，因為家貧阿妹求學期間已要兼職幫補家計，同時佢更立志要做一個聰明人。
難怪贏咗賽事後，阿妹唔介意喪剝為換取當地男性雜誌封面，為嘅不但係宣傳自己，更希望衝出英國走向國際。另一方面，明白到貧窮嘅可怕，阿妹以自己嘅名推出「Banghard」避孕套做老闆，阿妹話係一個非常廣龐大嘅生意，口號亦簡單易記「Banghard, Bang Safe」。Lacey Banghard波大有腦仲有愛心，係咪過分到有啲假呢？
網址：https://twitter.com/laceybanghard
簡評：一般人只留意Lacey對爆奶，但唔講唔知，佢係超級高踭鞋迷，不時喺網上分享新買到嘅心頭好。仲有，佢每次出現到必定穿着高踭鞋，名副其實係「衫可以唔着，高踭鞋唔可以離腳」！
出生日期：1992年5月1日
三 圍：36GG-25-30
身 高：5呎2吋
撰文：祖