早前歐洲被大風雪吹襲，但喺巴黎就舉行咗個一年一度嘅國際內衣展，據講呢個展覽正係五十周年，大會為隆重其事，事前打鑼打鼓，大事宣傳，吸引唔少參展商冒住風雪飛去巴黎出席，而嚟自世界各地嘅模特兒人數，更係天文數字，但最估唔到都係一眾龍友，佢哋喺三日內，不怕嚴寒，走勻咁多場內衣騷，仲即時將火辣照片上傳，把會場內嘅熾熱氣氛，帶給網友共享，點擊率短短幾日就過百萬。生意額有冇突破真係唔知，但受關注程度，就一定係歷屆之冠。
撰文：小德