巴不得Bar Bar：DD Club初二爆「紅」

初三赤口，初二更加冇得抖！皆因尖沙咀本地最新DJ舞場DD Club剛啱試業完畢，正式開張，繼一連串o靚模拋奶打碟捽爆全場後，踏入蛇年大年初二晚，更嚟個應景「女兒紅」賀新春活動，是晚將邀請多位性感靚女Dancer大跳辣身舞，更表示會請來神秘女嘉賓表演助興。為配合「女兒紅」主題，當晚入場女士只要係紅色衫褲、紅色佩飾，甚至一頭紅髮者一律免費入場，男士們你收到未？

話實呢個2,000呎超豪靚場，走高格調Clubbing路線，可同時容納超過150人，大廳採用「U」形梳化設計，亦有多張高枱，另外設有一間可容納30人包廂房，場中央嘅燈光效果用上演唱會級嘅舞台設計，配合營造氣氛嘅放煙機，置身其中必定Natural High爆！至於音樂方面先係「主菜」，請來三位不同國籍DJ及MC，包括DJ Nick、DJ Dik及DJ Akira馬拉松式打碟直至天光，蒲友們邊有得抖？

名稱：DD Club