有人話呢個年代嘅人，都會有一種或以上嘅怪癖，有人唔鍾意熄燈瞓覺，有人則唔鍾意飲冇加檸檬嘅水，而法越混血裸模Jayd Lovely，係個相當嚴格嘅健康主義者。雖然堅持健康生活，卻對咖啡着迷不已。
能夠喺美國裸模界打響名堂嘅亞裔裸模屈指可數，而當中最具人氣者便要數今年30歲嘅法國同越南混血兒Jayd Lovely。其實Jayd嘅成功絕非運氣或僅靠出眾嘅天賦本錢，更多嘅係佢對生活嘅嚴謹態度。據Jayd講，每日有別於一般生活糜爛，晚晚花天酒地嘅裸模，卻係過住猶如行軍般規律嘅生活。究竟Jayd嘅生活有幾規律呢？佢每朝起身後，必定先喺Gym Room健身1小時，然後再食早餐。如果當日佢冇工作嘅話，則會選擇閱讀，下晝便去行山、滑浪或者划艇，並每晚11點前必定上床瞓覺。如此健康並規律嘅生活，難怪令Jayd練就健美嘅體態。
雖然Jayd生活有規律，並且奉行唔煙、唔酒、唔蒲同少油、少肉嘅生活，但惟獨嗜好飲咖啡。Jayd每朝早必定要歎番杯咖啡之餘，出街亦會有樽自家製咖啡隨身，癡迷咖啡嘅程度幾乎可以用上癮嚟形容，只係Jayd點解會如此鍾愛咖啡呢？咁要講番佢投身裸模界前嘅工作。原來Jayd未入行前，曾經喺間全球連鎖咖啡店度工作，當時嘅佢並唔鍾意飲咖啡，卻因為工作關係，漸漸迷上咖啡獨有嘅味道，從此成為忠實Fans。Jayd表示佢每次工作後嘅最大享受，就係品嘗一杯蒸餾咖啡，而佢更透露最大嘅願望就係開間咖啡屋。話佢係咖啡癡一啲都冇錯！
想知道Jayd嘅最新近況，同埋聽佢分享唔同嘅咖啡體驗，最好嘅方法就係去佢個Twitter，同佢交流一下。不過想知道佢嘅消息，大家記得先要成為Follower，否則佢唔會話你知o架！
網址：twitter.com/JaydLovely
出生日期：1983年12月26日
身高：5呎2吋
三圍： 34D、24、34
撰文：魂