女明星做咗乖乖女多年，好想搖身一變成為性感尤物，然而敢於實際行動嘅一定唔多，就算肯豁出去，出嚟嘅效果亦係差強人意嘅居多，但總有一個成功例子，佢就係嚟自山西太原嘅靚女周奇奇。
今年26歲嘅周奇奇，自小喜歡唱歌跳舞，順理成章考入四川音樂學院，20歲那年參加網站辦嘅全國歌唱比賽，獲得總季軍，之後，奇奇一直以音樂人身份亮相，出過單曲唱片，亦唱過唔少影視作品嘅主題歌同片尾曲，由於同唔少中港台製作人認識，知道佢除咗唱功了得，仲有演藝潛質，所以開始安排奇奇喺影視作品中客串。由於奇奇樣子可塑性高，一直深受製作人嘅歡迎，後嚟更喺王晶導演嘅《無價之寶》內擔任貝貝一角，跟張栢芝合演對手戲，之後更參與台灣導演錢人豪嘅《混混天團》與范逸臣和立威廉合作，令佢影藝事業更上一層樓。
多年來周奇奇都好少拍攝硬照，特別係性感寫真，但最近竟推出咗多輯性感寫真，大膽程度令人嘩然，將佢34吋D級巨乳充分呈現，唔少網友都大讚奇奇身材了得。同時間又有消息傳出，王晶導演會再次同佢合作，而且係接性感偶像Maggie Q嘅棒，拍攝《赤裸特工3》，消息明顯係為奇奇造勢。由乖乖音樂才女，變身性感尤物，唔係一兩輯相片就夠，希望奇奇把握機會，多拍幾輯性感照炒熱個勢，再配合電影出街，到時奇奇想唔一炮而紅都幾難！
奇奇出道多年，一直都係做音樂人，所以照片甚少，但近年為咗踏足演藝界，就拍咗幾輯寫真放喺裏面。
網址：http://data.yule.sohu.com/star/data/24/24982/
出生地：山西太原
三圍：34-24-34
身高：171cm
撰文：龍四海