仲有邊個敢話家庭遊戲機沒落？繼PS3及Xbox 360可讓玩家透過主機內建瀏覽器，畀月費登入指定成人網站後，家陣連Wii U都得喇，難怪有網友話遊戲機廠要靠色情撐住啦！話說四仔片代理公司Sugar DVD早前開發布會表示，繼打入兩間「龍頭」遊戲商後，今年將計劃同任天堂Wii U合作，用家每月只要付7.99美元（約港幣63元）即可無限任睇冇刪剪高清四仔，照咁講，隨手拿起部機就有得睇鹹嘢。但有Game界網友就話，此做法跟任天堂歷來拒絕推出鹹Game精神有牴觸，設計Wii U嗰陣就封鎖成人內容功能，若然成事的話，任天堂咪自打嘴巴？