宅男天地：神秘美少女

星空下邂逅迷人美少女，對方更願意住喺你屋企過住同居生活，係咪好浪漫呢？呢隻名叫《她的小小小夜曲》就係以呢個老土，但又好多十八禁電玩迷Buy嘅劇情，加上火辣嘅鹽花場面，充分演繹出乜嘢叫做橋唔怕舊嘅真諦。

故事講述經營茶館嘅男主角七梨拓海，有日喺「人魚祭」嘅晚上，無意中喺海邊救咗個全身濕透嘅美少女片貝汐音，對方表示自己無家可歸，於是拓海就帶佢返屋企，從此兩人展開同居生活。期間拓海發現汐音擁有美妙嘅歌聲，究竟汐音從邊度嚟？最後拓海能否同汐音一齊，一切就睇玩家點樣選擇喇！

開發商：Feng