幾時都話女人叻過男人！好似本地文憑試合格率，女勝男九條街，讀書係咁，四仔界亦一樣，你有冇見過男優能夠好似女神Jenna Jameson咁砌到過億身家吖？家陣仲有件80後Destiny Dixon，由裸模剝到做老闆娘，認真叻女！
莫非連四仔界都被女權主義侵佔？細佬發現近年唔少脫星仔都唔願意簽死畀一間四仔公司拍戲，此外，一啲出道冇耐有些少名氣嘅姐仔，搵到錢之後就開設公司，以個人名義接Job，由度橋到形象設計再到玩法全程參與，長此下去，佢哋就連四仔導演都撈埋！當中細佬覺得最成功嘅非Destiny Dixon莫屬，阿妹人索架生弗，由車模出身，主打電單車雜誌當性感女模，由於外表火辣出眾，好快就被男性雜誌（目及）中邀請佢做封面女郎，之後阿妹就全力投身裸模界，全職剝衫。
查實激凸身材並非Destiny成功關鍵，計我話「出口術」先係佢上位之道，皆因阿妹由2009年踩入裸模界後多次表示唔會拍色情片，點知佢喺自己嘅專屬網站玩自摸，又同姊妹磨豆腐，於是傳媒就問Destiny會唔會拍四仔，當時阿妹耍手擰頭，但結果喺2012年佢終於拍咗第一部四仔，之後陸續有演出男女對戰作品，而且所有製作都由佢自己一手一腳搞掂，同時只喺佢嘅專屬網站發售，阿妹人靚身材弗，仲要咁識搵銀，呢啲咪叻女囉！
網站：http://destinydixon.com
簡介：由網誌、寫真及四仔於專屬網站一站式玩獨家發售，仲可以同Destiny玩Live Chat，正！
年齡：28歲
三圍：34D-24-36
身高：5呎9吋
撰文：祖