模影模蹤:和田繪莉性感陽光

近日天氣漸漸回暖,溫度同時提高,燦爛嘅陽光亦時有現身,令人有春回大地感覺。要更深體會呢種暢快心情,唔使等到春天來臨,只需要欣賞和田繪莉嘅寫真就得啦,因為阿妹一身充滿陽光氣息。

青春無敵

日本AV界同水着界青春少艾多不勝數,但係青春唔代表索,亦唔代表一定可以吸引到大家嘅注目,因為好多後生女拍寫真、拍動畫嘅時候演唔出神采。但係,青春得嚟又能夠散發攝人魅力嘅女優總可以搵到,近年人氣持續上升嘅和田繪莉正係好例子。今年23歲嘅繪莉出道於2011年,同知名水着女優熊田曜子以及安田美沙子同屬一間藝能事務所,被視為新一代水着之星。阿妹之所以備受推崇,主要原因係佢青春活潑,面孔嬌俏可愛,有人仲話佢同日本樂壇天后濱崎步年輕嘅時候非常相似添。不過,我就話繪莉索好多,除咗因為佢比步姐更嫩口,而且冇咁人工味之外,阿妹全身都係又白又具彈性嘅嫩肉,一睇就知道手感一流兼且滑不溜手,相對於偏瘦嘅步姐更為吸引。

樂而不淫

好多新進水着妹為咗博上位,初登場就刻意大賣性感,又摸胸又夾胸,有時仲會玩異物摩擦三角地帶,淫蕩得叫人咋舌。不過,可能因為所屬事務所嘅師姐對佢教導有方,加上阿妹本身又正正經經,生活健康,所以單靠自己散發出嘅陽光氣息都已經夠惹人注目。另外,不得不提嘅係繪莉為寫真集同DVD演出嘅時候,將陽光同性感兩種元素融合得天衣無縫。阿妹身材咁正,豐滿得嚟又夠Fit,Fit得嚟又鮮嫩,基本上只要穿少啲布就已經好性感,阿妹又會做多款熱身運動,例如拉筋、拗腰等等,凸顯其活潑調皮嘅個性以及旺盛活力,令演出樂而不淫,仲甜到入心。

個人博客

和田繪莉成日都會將自拍相片上載到博客,雖然阿妹只係以便服登場,但係就有一種窺探其生活嘅感覺,不妨多瀏覽。

網址:http://ameblo.jp/erichanahcnir/

和田繪莉Profile

年齡:23歲

身高:5呎4吋

三圍:35-23-33

撰文:賢