最近好多音樂頒獎禮舉行，獎項差不多人人有份，可以話皆大歡喜，但有部分觀眾就對亞太區乜乜歌手獎稍有微言，話得獎者大都未夠實力稱霸亞洲，而今日要介紹嘅靚女周茉，就被封為新一代亞洲美模，係咪實至名歸，就由大家嚟評論一下。
嚟自山東嘅周茉，因為受到家鄉文化嘅影響，所以自小能歌善舞，琴棋書畫可以話無一不精，但係佢冇喺藝術方面發展，反而考進財經大學讀書，打算從事金融界，點知喺2007年，周茉喺誤打誤撞底下，參加咗「全國平面模特兒大賽」，更獲得新秀獎，自此便加入模特兒界發展。周茉身高173cm，擁有一雙42吋長腿，配埋骨架身形，唔做模特兒真係嘥晒。但最引人入「性」嘅，當然係佢心口一對36吋巨乳，有報道話達到G級，有記者曾膽粗粗問佢上圍有幾大？周茉就笑笑口話叫大家估吓，真係鬼馬！亦因為佢爽朗活潑，所以深得攝影師同埋廣商告商歡迎，工作一浪接一浪，密密做到冇停手。
出道至今，周茉喺模特兒界已打滾咗5年多，雖然工作不斷，但佢只接拍硬照同平面廣告，冇話去車展、電玩展等做騷女郎，更甚少喺綜藝節目亮相，唔通佢唔想喺影視圈發展？據周茉回應話，佢暫時未有咁嘅野心，只希望做好眼前嘅工作。咁冇野心嘅靚女真係少見，又難怪，周茉論樣貌身材，真係圈中數一數二，喺呢行裏面，工作肯定唔憂做，加上有財經學位，話唔定揀啱老闆，突然轉戰商界發展都有可能。但如果周茉唔做模特兒，絕對係我哋一眾宅男嘅末日，事關擁有咁完美身材嘅靚女真係唔多，而且仲要夠膽喺鏡頭前話露就露，作品張張噴血度高，呢吓就唔係人人都可以，所以封佢為新一代亞洲美模，絕對係實至名歸。
簡介：呢個網站裏收錄咗周茉出道以來20多輯寫真作品，當中9成都係性感寫真，有啲仲係真空上陣，絕對係噴血度極高嘅作品。
網址：www.moko.cc/zhoumo
出生地：山東
三 圍：36-24-38
身 高：173cm
興 趣：看書、聽歌
撰文：龍四海