以浪漫到爆愛情故事為主線嘅十八禁電玩有好多，只係當中爛Game卻佔咗9成，有時真係唔知點出手。不過大家唔使擔心，一向以高質保證嘅Game商Overdrive，2月會推出戀愛新作，大家唔使擔心會失望啦！
故事講述缺乏人生動力，兼性格負面又內向嘅鼓手男主角桐之小島巴，遇上表面係平凡少女，實質卻係下凡天使嘅Eine。呢位本住「見到人類快樂自己就覺得快樂」嘅天使，為咗可以打開男方嘅心扉，於是加入小島巴所屬嘅Band，利用自己嘅歌藝為人們譜出一段浪漫戀曲，點知事情卻朝意外嘅方向發展。
撰文：魂