納稅係每個市民嘅責任，但家陣搵食艱難，好多人未必有多餘錢交稅。一般來講，稅局處理欠交稅款嘅方法有幾種，例如接受延遲交稅申請、罰款、申請對方破產等。不過在俄羅斯，最近就有單聞所未聞嘅處理方法，相信亦是世界首創。早前，一個開設情趣用品店嘅34歲男子，牽涉稅務糾紛，被指欠稅9萬盧布（約HK$23,000），由於呢名男子話自己冇錢交稅，於是收稅員惟有拿佢舖頭中嘅資產抵稅，最後決定扣押起兩個共值11,000盧布（約HK$2,800）嘅吹氣娃娃，直至佢有錢交稅為止。
撰文：賢