海盜電影自推出以來，風靡整個歐美，除咗電影拍完一集又一集外，連帶有關海盜嘅產品或玩意都大受歡迎，好似最近美國加州就有間妓院，特別以性感女海盜作為招徠，入去嘅老友，雖然個個都畀海盜搶晒啲錢，但就樂在其中，仲希望劫多幾次添！
加州呢間地下妓院，裏面有十幾間房，所以囡囡都有廿零人，以前試過以性感睡衣示人，但由於海盜熱，所以老闆就同性商品生產商合作，由對方贊助性感海盜裝畀囡囡着，每日喺妓院入面推出3、4場海盜性感騷，客人睇騷要額外收費，據講45分鐘演出，收費要成20幾蚊美金，即係成百蚊港紙咁滯。雖然係咁，但客人仍然絡繹不絕場場爆滿，表演內容，不外乎是囡囡換上唔同嘅海盜裝出場，配以性感舞步，請客人眼睛大吃冰淇淋。而海盜服飾方面，既有普通水手裝，亦有可愛海盜裝，最靚嘅就係船長裝同貴族船長裝，據講最貴嘅要成幾千美金一件，難怪老闆要搵人合作啦，否則單係置裝費都不得了，而為求逼真，囡囡手上仲會有刀刀槍槍等小道具，真係好鬼認真。
囡囡手上嘅道具，原來仲有妙用，表演完後佢哋會一個個走到客人身邊，大拋生藕之餘，兼用手上武器指向客人，乖乘獻上銀包的話，囡囡就會拉佢入房，如果眼前囡囡唔啱心水，只要唔獻上銀包，囡囡就會知難而退，換另一個上。如果所有囡囡都冇興趣，客人就可以離開，但如果房間已滿或者所愛被人捷足先登，客人就可以喺大廳稍等，等住畀人「打劫」！至於入到房做乜？相信唔使多講，不過由於玩海盜挾持人質，所以客人如果要求粗暴對待，囡囡們絕對唔會客氣，手扣、皮鞭、繩索應有盡有，一定可以滿足需要，不過講明收費都幾貴，40分鐘服務要成500蚊美金，果然真係好過去搶！
撰文：小德