魚唔過塘唔肥，同樣道理，脫星砌得太多唔矜貴！Katie Summers喺四仔界不經不覺打滾咗4年幾，人氣攞夠，錢亦都賺夠，事業踏入「樽頸位」，係時候要搞吓其他嘢搵銀！早幾日，Katie就對傳媒表示已同「老死」四仔名導演Anthony Cortez合組公司，將會喺自己嘅家鄉德薩斯州開拍「獨立電影」，阿妹仲話能夠同呢位猛人合作，令佢開心又興奮，相信未來會有好多意想不到嘅創作喎！其實咁即意味今年開始Katie唔再屬於任何四仔片廠，加上其專屬網站獲提名為2013 XBIZ Awards最佳脫星網站，想搵阿妹拍四仔肯定又貴又難囉！至於所謂「獨立電影」會拍咩題材？唔少人都認為離不開色情元素，咁都正常嘅，一個脫星加一個四仔導演，唔食老本，唔通拍功夫片咩！