今日介紹一位嚟自河北邯鄲嘅電影界新進女星畀大家認識，佢嘅名字叫做何靜，英文名字叫做Momo，佢喺網站自稱擁有雙重性格，至於有幾雙重？真係要深入認識吓先至知道，但阿妹初出道就話自己性格有缺憾，相信係佢至有咁坦誠同大膽。
今年24歲嘅何靜，老家喺邯鄲，即係成語邯鄲學步嘅邯鄲，充滿文化色彩，所以何靜樣子亦特別清純，充滿文化味道，阿妹自小就喜歡唱歌跳舞，高中畢業後就考入北京電影學院，大家咪以為我介紹親啲靚女都係學院學生就以為好易入，其實剛好相反，每年都有幾萬人報考，佢哋只取錄幾十人而已，所以考到入去，個人條件同實力已經備受肯定，畢業後何靜轉戰影視圈，期間當然做埋平面模特兒，憑佢嘅清純外表，馬上就得到廣告商同雜誌社嘅青睞，而且阿妹亦好明白遊戲規則，想短時間跑出，讓大眾認識，走性感路線絕對係一條捷徑，於是接拍咗多輯性感寫真。
當中不少係泳衣同內衣照，性感度十分之高，但由於何靜樣子太純，所以性感之餘，略嫌欠些火氣，但以可愛度同吸引度嚟講就絕對無懈可擊，講番何靜嘅性格，佢形容自己似貓，有慵懶嘅一面，但亦有充滿自信嘅一面，喺陌生人面前會開心活潑，但喺熟人面前，就會孤獨悲觀，做佢經理人都幾頭痛，雖然阿妹咁難搞，但佢嘅星運不俗，影視作品一部接一部，2011年更有一部電影由佢擔正做女角，所以人氣高企，但佢竟然話希望上求偶節目，盡快搵個有紳士風度嘅男人帶佢返屋企喎，此話一出，粉絲們就期待着阿妹幾時出現節目，講真何靜咁紅，點會咁快息影呢？
何靜嘅網頁內，有齊佢出道多年嘅寫真作品，性感照數量相對較少，但都有6、7輯以泳衣或睡衣為主嘅寫真，絕對令人期待。
網址：www.moko.cc/momojing
撰文：龍四海