踏入新一年，大家擬定好旅遊大計未呢？仲未？我就有一個大型活動要介紹畀大家，得知活動有幾狂野，你必定會將佢列入春季行程表當中。
美國有好多電單車發燒友，佢哋除咗鍾意揸住自己架靚車喺公路風馳電掣，仲鍾意選定一個日子，約埋成班同好舉行大型玩樂活動，仲要一連幾日進行，所以大部分都會駐場紮營，實行玩盡每一分每一秒。呢類電單車發燒友活動好多都會選喺5至7月舉行，貪夏天玩得更熱情更奔放。至於春季嘅電單車活動，可能只有位於亞拉巴馬州嘅Bama Bike Fest（BBF）。今年嘅BBF將會喺3月21至24日舉行，不過要年滿18歲至可以參加，若然要參加活動當中嘅遊戲同比賽項目，仲要年滿21歲，因為預咗要玩到剝光豬。
話明係電單車發燒友嘅活動，所以BBF一定唔少得又型又夠響嘅威猛電單車，要駕馭呢架辣車就梗係要有個型男啦，所以車主通常都係大大隻又一身黑褸嘅猛男，另外仲有一個敢於赤身露體嘅女士。入到BBF場內，大家都可以見到波來波往，幾乎每個女性都露出成個胸，無他嘅，外國人生性開放，去到呢種野外活動梗係仲放好多啦。而呢班露胸女唔單只會四圍行，仲會四圍飛。BBF有好多賽車比賽，露胸女參加一類鬥快、鬥甩尾比賽，就可以見到佢哋露兩點揸車飛馳。此外，露胸女亦有機會參加一個一男一女進行嘅飛車食腸比賽，男士負責開車，後座嘅女士則要張口搶食高掛嘅香腸。
BBF設施齊全，除咗有水電提供，仲有小食檔、電單車零件檔，更有餐廳及酒吧等臨時搭建嘅建築物，大量遊戲同比賽，例如啤酒競飲、競食熱狗、濕T恤大賽，就喺酒吧入面進行。另外，現場仲有樂隊演奏、鋼管舞表演，不過數到最吸引，一定係BBF小姐選舉喇。呢個選舉比起香港嘅任何選美更複雜、更具難度，兼且更加色情！參賽嘅佳麗由頭到腳都要接受評判評分，特別係個胸，佳麗上台行完天橋之後就要剝去上衣同胸圍，畀工作人員量一量胸圍尺碼，然後彎低身量度雙峰之間嘅距離，仲要量埋乳尖嘅大細。之後，佳麗仲要進行兩項競技，例如扭呼拉圈鬥耐、鬥跳艷舞、自摸雙峰等等，難怪在場男士個個睇到笑呵呵。
撰文：賢