喺英國嘅布萊頓海灘，北風呼呼，氣溫跌至零度以下，理應鬼影都冇隻，但有日竟集結咗數百人，佢哋身穿泳衣，有啲更奇裝異服，好似開派對一樣，原來係參加一年一度聖誕冬泳大賽。當日哨子一響，數百人就分批下海，場面十分壯觀，而且咪以為游冬泳只係老人家玩意，當日不乏年輕性感美女下海，令場面更添熱鬧，唔講唔知，原來喺歐洲除咗英國，仲有好多國家都喜歡喺聖誕同新年期間舉行冬泳比賽，大家出席都不在乎名次，目的是向自己嘅體能作挑戰，希望順利完成賽事，加強自信同埋克服困難嘅能力。換轉係我，咁凍天氣，情願食吓火鍋好過！
撰文：小德