嚟喇嚟喇！再倒數10日（1月16日），被喻為四仔界奧斯卡頒獎禮嘅2013 AVN Awards就正式開始，今年更係30周年，幾乎所有成人網站都將焦點集中今次盛事。無他嘅！事關全歐美最索最淫嘅脫星都齊集洛杉磯，咁嘅人間天堂一年只得一次咋！至於我哋呢班有得睇冇得食嘅四仔迷，好在都可以投票選出心水脫星，過吓癮囉！
每年到咗1月就喺歐美男女脫星聚喺洛杉磯日子，一直玩到月尾，事關AVN總共有四場大騷，最先開騷係1月16日嘅Adult Entertainment Expo，專為成人用品生產商同代理而設，展覽用嚟傾生意，同時間另一展場亦有一個學術性嘅博覽，介紹四仔最新動態，以及性愛知識，現場會有知名性學家及權威醫生講解。跟住17至19日嘅Fan Fest先至係普羅大眾入場睇騷、買性玩具甚至近距離接觸心愛脫星嘅大日子，最後19日先輪到AVN Awards，有心去現場嘅四仔迷千祈咪搞錯呀！
數入場人數最多嘅騷，必屬Fan Fest，皆因只要買咗入場券就可以連續三日入場睇個夠本，而票價照官網顯示3 Days Pass要275美元（約HK$2,132），勁貴，但大部分網友都話物超所值，除咗基本嘅脫衣舞表演、噴火吞刀雜技、即場性虐示範及所有同性有關用品外，最重要係可以零距離接觸偶像脫星，而並唔係搭吓膊頭照照相咁簡單。按慣例，入場脫星必定High爆滿足粉絲，剝剩T-Back好正常，更癲狂係粉絲可以摸摸摷摷，當事人都唔會抗拒o架！而大會網站亦早已列出脫星名單，保證會有100位現役脫星參與，例如紅到爆嘅Alexis Texas、Chanel Preston、Shyla Jennings及Breanne Benson等，總之噏得出嘅老中青脫星都一定蒲頭！
至於可遠觀而不可褻玩嘅AVN Awards ，19日下午就會開始，所有有份提名嘅脫星都會行紅地氈進場，全球粉絲就喺旁邊吶喊助威，架勢程度有如奧斯卡。從候選名單新聞稿顯示，今屆將會頒超過134個獎項，分豬肉程度拍得住本地樂壇頒獎禮囉！之不過年度男女最佳演員獎依然最有公信力，皆因全球網友可以登入網站投票，而四仔迷最關心嘅最佳脫星及最佳新人，多個成人討論區已嘈到慶合合，暫時獲提名又最多人支持嘅最佳脫星，竟然係中女天下，分別係India Summer、Lily Carter、Kayden Kross及Bobbi Starr，莫非美國同日本AV界一樣，人口老化要熟女撐住？但新人方面就呼之欲出，帶頭係Dani Daniels同Maddy O'Reilly之爭，邊個贏都咁抵讚！
網址：http://avnawards.avn.com/
全民投票：http://avnawards.avn.com/fanvoting/
撰文：祖