想喺裸模界名成利就，最重要就係要有人氣。點樣能夠催谷人氣呢？其中一個好辦法就係密密幫成人雜誌影惹火寫真。不過凡事總有例外，好似Jennie Corner咁僅憑一輯寫真，就能喺裸模界跑出，兼且賺到極高人氣，令唔少同行相當羨慕。
有人問點解呢位喺英國倫敦出生，今年25歲嘅裸模Jennie Corner，雖然佢人氣相當高，但屈指一算，原來佢自2006年出道以嚟只係拍過一輯成人寫真集呢？答案好簡單，就係有伯樂睇中佢內外俱備嘅氣質。猶記得當年Jennie拍下第一輯性感寫真後，憑住獨有嘅氣質、玲瓏浮凸嘅身材同討好嘅樣貌，不但為佢贏嚟廣大男士嘅目光，更被當時英國爆紅嘅真人騷電視節目《Big Brother》監製睇中，力邀佢加入節目，成為參演者。從Jennie出道到佢踩入電視圈，都只不過係短短半年嘅時間，除咗令一眾裸模羨慕到流晒口水外，更造就一輯寫真闖天涯嘅傳奇。
其實Jennie亦冇諗過咁輕易就能夠成名，事關佢曾經擔心會學似好多「前輩」咁，拍過一輯寫真後，由於冇人氣，結果去做脫衣舞孃。面對如此大嘅改變，Jennie確實有啲喜出望外，而憑住真人騷爆紅嘅佢，不但引嚟一大班粉絲，佢仲相當有腦，嗱嗱臨喺官網度推出粉絲約面談嘅服務。粉絲只要畀錢，就能同呢位偶像嚟個近距離接觸。此外，Jennie更成為電台嘅常客，經常上電台客串主持，加上接極唔停嘅時裝封面、MV主角等工作，騷後嘅佢確係紅到發紫。不過凡事有得必有失，Jennie喺狂衝咗一段時間後，近年開始慢慢減少工作。Jennie透露休息過後嘅佢，將會拍出道以嚟第二輯寫真，效果係點確實讓人相當期待！
想知道Jennie嘅最新消息，最好嘅方法就係入佢個官網，可以睇到Jennie嘅高清寫真同佢嘅生活照。不過近排比較懶，好耐至更新消息一次，唔知等到佢拍新寫真後，會唔會勤力啲呢？
網址：jenniecorner.co.uk
出生日期：1987年11月30日
身高：5呎7吋
三圍：34C、24、36
撰文：魂