如果有人話你似李嘉欣。恭喜！因為你已被列入美女行列，如果你仲擁有35-23-35嘅嬌人身材嘅話，都有人唔承認你係美女嘅，咁呢個人精神一定係有問題。但世間上究竟有冇咁完美嘅靚女呢？有！就係嚟自合肥嘅劉子璇。
畢業於中央戲劇學院嘅劉子璇，自小已表現出喺演藝方面嘅潛能，入到戲劇學院，更得名師指導，心諗畢業後，一定會成為第二個趙薇，但唔知點解，畢業後竟然一直投閒置散，工作機會零星落索，於是子璇把演出舞台轉喺平面媒體上，由於佢樣子清秀，好快就有「小李嘉欣」美譽，加上上圍有35吋，衣着性感少少，胸部都呼之欲出，出現波濤「胸」湧嘅效果，所以被網友封為新一代嘅性感偶像，隨着人氣急升，演出嘅機會增多，影視嘅工作接踵而至。
子璇經過多年嘅努力，喺演藝圈都算佔一席位，更明白到平面媒體同影視媒體嘅分別，平面媒體唔可以用對白同演技來表達感情，只能利用肢體語言，所以接拍硬照就會瞓身演出，就算真空上陣都面不改容，不少作品都露出東西半球而令人噴血，所以深受攝影師同廣告商嘅歡迎，但喺影視作品中則甚少賣弄性感，因為佢唔想只做一個花瓶，希望憑演技做一個有血有肉嘅演員，所以家庭觀眾想一睹子璇嘅完美身材就只有上網觀看，而子璇有實力、有理想同埋抱負，相信喺圈內多浸淫一段日子，定會闖出名來，紅透半邊天。
出生地：安徽合肥
三 圍：35-23-35
身 高：166cm
興 趣：聽歌、上網
撰文：龍四海