學嘢係咪一定要師傅捉住你隻手慢慢教？未必，事關世間上有種叫做耳濡目染，睇得多嘅話唔多唔少都學懂一招半式。就好似人氣裸模Autumn Riley，睇得髮型師同佢Set頭多，竟然無師自通變身成髮型師之餘，遲啲仲開班教人點Set頭添。
今年20歲，喺加拿大出生嘅裸模Autumn Riley，雖然自兩年前出道以嚟，人氣有升無減，但係講到佢嘅背景，所知嘅卻係少之又少。一來係因為Autumn極少接受媒體訪問，二來佢問極都只係透露喺加拿大出世，現居於溫哥華，至於有乜特長同絕活，統統均冇任何資料，背景認真神秘！不過早排就有傳聞指Autumn之所以投身裸模界，係為咗幫屋企還債，亦有傳言話佢係因為鍾意咗個攝影師，做做吓私家裸模索性拋個身出嚟做，真係唔知邊個真邊個假。好彩Autumn對班粉絲都算唔錯，雖然唔多願講自己嘅背景，但喺佢官網度，仍會經常上去同粉絲吹水，而佢最近嘅話題就係頭髮！
若然有留意開Autumn嘅人，都會發現呢排Autumn將長長嘅秀髮剪短，換上清爽嘅短髮，外形變得成熟咗兼有女人味。正當好多人以為佢呢頭短髮係出自髮型師之手時，Autumn卻透露係自己Cut嘅。乜Autumn都識得剪髮同Set頭嘅咩？據Autumn講由於佢拍得寫真多，每次都有專業髮型師幫佢Set頭，久而久之就學曉一招半式，加上佢對髮型設計好有興趣，故此經常搵班老友嚟試剪。經過多番練習後，Autumn對自己把鉸剪相當有信心，故此今次膽粗粗自己操刀，而佢仲話估唔到大家咁好反應，得到唔少個Like喎！唔知係咪反應出乎意料地好關係，Autumn更表示若然大家Buy佢嘅技巧，可以考慮開班教人Set頭。不過話說回來，唔知學嘢嘅人多，定係睇Autumn嘅人多呢？
想同呢位索模拉近距離，又想知道佢最新動向嘅話，當然非去佢個官網不可。當中唔單止有Autumn嘅博客，仲有大量高解像靚相，只係佢個官網行會員制，如果想同Autumn傾偈，唔該畀錢入會先。
網址：autumnriley.net
出生日期：1992年11月10日
身高：5呎5吋
三圍：32B、23、32
撰文：魂