模影模蹤:今野杏南 嫩乳浪女

好多人都表裏不一,有啲人表面上道貌岸然,實際上笑裏藏刀,篤背脊勁過岳飛阿媽。亦有唔少女仔雖然細細粒,斯斯文文,但一落到D場就跳得勁過米高積遜,而今野杏南亦有好多令人意想不到嘅一面。

雪白幼滑

日本嘅美白產品享譽國際,不過,好多日本女士用美白產品都限於塗抹面部,一來面目見人較多,二來一支甚麼美白液體要幾百至千幾蚊,唔慳住使點得?由於面部塗抹得美白液體多,所以唔少女士白雪雪嘅部分只限面部,去到條頸就已經係截然不同嘅顏色,令其雪白肌膚顯得更為唔天然。但係,水着界當中就有好多渾身雪白又天然嘅優質雪肌美人,近年人氣急升嘅今野杏南就係其中一位喇。23歲嘅杏南上年正式加入水着妹系列,氣質儒雅,秀麗而又脫俗,明眸風情萬種,朱唇厚而飽滿,不過最重要都係一身肌膚雪白幼滑,配上34F-23-33嘅三圍,外在美無懈可擊呀!

結實彈手

杏南身材咁Fit,全身肉地結實又呈現出上乘彈性,一睇都知道平日冇偷懶,一定識得勤做運動Keep好副偈,亦估得到佢做嘅應該係室內運動,否則又點會保持得肌膚白滑呢?咁諗法就錯喇,事實上杏南不知幾熱愛戶外運動。阿妹一直都係沖浪狂熱分子,一有時間就去海灘玩沖浪,所以當初阿妹亮相電視節目嘅時候,主持人稱佢為沖浪運動員。2010年,杏南更加憑一副超卓身手,奪得全日本沖浪大賽冠軍!另外,杏南亦係藝人女子足球隊「FANTASISTA」嘅成員之一,據講仲係當中嘅中堅分子添。

專屬網站

想知道今野杏南最近去邊度拍寫真,當中又有乜花絮、趣聞,咁就要去佢個博客留意一下喇。

網址:http://ameblo.jp/ab-anna06/

今野杏南小檔案

年齡:23歲

身高:5呎2吋

三圍:34F-23-33

撰文:賢