最近內地某大汽車網站搞咗個「車模PK賽」，搵嚟一眾內地人氣車模，然後一對一對咁進行網上投票，粉絲稍一鬆懈，偶像就會慘遭淘汰，戰況可謂十分激烈，而截至11月嘅結果，頭三位人氣車模分別如下，睇吓啱唔啱大家嘅口味？
咪睇宋麗莉年紀輕輕，原來佢07年已經參加選美比賽，獲得十佳同埋最上鏡小姐嘅殊榮，自此踏入模特兒圈子，而由11年開始，更被廠商邀請出席全國大小車展，所到之處，粉絲們一定攞齊長短火為佢拍照，網上流傳佢嘅車模照片數量驚人。講真麗莉嘅身材只屬一般，但勝在樣子甜美，態度親切，所以乜嘢造型都甚受歡迎。
三圍：33-25-35
身高：176cm
李穎芝係近年冒起得最快嘅模特兒，與麗莉相反，佢入行時先當車模，然後再轉戰模特兒界，現時兩方面都係炙手可熱嘅新秀巨星，但穎芝冇話拍咗好多廣告就忘記車模嘅工作，今年就出現在北京車展引起哄動。穎芝身材不俗，而且好懂衣服配搭，所以照片經常製造出波濤「胸」湧嘅效果，令人流晒鼻血。
三圍：34-23-35
身高：175cm
金美辛08年入行，起初唔係車模，而係動漫電子方面嘅專業戶，做過好多遊戲廠商嘅代言工作，之後喺09年長沙車展一鳴驚人，自此兩方面活動都一定會見到佢嘅身影，美辛身材火辣，而且一出道就以性感見稱，所以無論車迷定係動漫迷，只要佢一露，特別係條既深且長嘅事業線，就會開心若狂，所到之處必定人山人海。
三圍：34-23-35
身高：175cm
撰文：小德