日本有雜誌製作日版「性愛地圖」，訪問全國47個府縣嘅女人對性愛嘅熱衷度，然後作出排名。秋田縣係最易性滿足嘅地區，有人自稱每10次性愛中有7次出現高潮，更有72%受訪者聲稱對性很滿足。一名娶了秋田縣女人嘅男士認為秋田女人天生樂觀，特別容易達到高潮。而櫪木縣女人就最遲發生初夜。北海道女子就最坦白，52%受訪者表明熱愛性生活，更認為每次同男人做愛後，都會全身放鬆，充滿活力。難得日本有個咁全面嘅地圖，令到好男人識得跟住地圖搵食。
郎中：QoQ：日本真係無奇不有，不過呢張地圖都有好處嘅！起碼男人知道咩地區嘅女人啱自己多啲！女人亦都唔使怕怕醜醜，大方談性，畀男人知道自己有咩需要。
文人：★▽★：我就覺得無咩用，得啖笑咁囉！因為呢啲地區調查，日本雜誌成日都做，我有睇開日本雜誌，都覺得有啲麻木，我唔會因呢張地圖而有任何遐想囉！
圖寶：^3^：我其實都唔係好明，究竟張地圖有咩用，不過日本仔最鍾意玩噱頭，可能本雜誌銷路不佳，要搵啲橋吸引讀者，我唔會因為張地圖話秋田縣女人易有高潮，就去溝秋田妹囉！
撰文：巴戟