剛剛過去嘅11月11日係內地嘅光棍節，當日唔少地方都會舉行徵婚及相親活動，畀依然過住單身生活嘅男男女女可以搵個伴，唔使一個人咁寂寞。不過，獨身都唔一定悶，光棍節當日就有一名男子帶埋自己嘅「女伴」出街，但係佢呢位女伴唔係人，而係一個吹氣娃娃。據講當日呢位仁兄帶埋佢四圍去，搭地鐵嘅時候，仁兄仲幫女伴悉心換衫，表現無微不至，仲充滿樂趣添！仁兄你好嘢！
男人同女人身體構造有好多不同之處，因此各自從性愛或自娛當中達到高潮嘅機會大有不同。好多女性一生之中更未試過高潮嘅感覺添。為咗令女伴可以一嘗高潮滋味，唔少男士都會落力刨書或從加藤鷹嘅性愛教學光碟中學習，只可惜問題唔係咁簡單就可以解決到。於是，紐約出現咗一個「高潮工作坊」。呢個工作坊只招待女士，負責教授高潮技巧嘅係一名年屆83歲嘅性教育專家Betty Dodson。工作坊設計到好似一個瑜伽練習室咁闊落，專家會為學員準備好潤滑劑、震棒等道具，學員上堂嘅時候就要即場練習自娛，有問題可以盡情發問。嘩！好彩男人咁容易有高潮，如果唔係搞到要上呢種工作坊，十幾個麻甩佬向住對方晒料，真係核突死囉！
撰文：小德