泰國有報道指好多外國人專程到訪，目的就係尋找黑珍珠女郎做短期老婆，而呢種「租妻」活動喺泰國更十分普遍。美國有間伴遊公司，眼見呢種服務有市場，冇理由肥水流去別人田，於是又搞個「出租人妻」，歡迎客人提供自己老婆出租畀其他人，又或上門搵短期老婆，結果好多人竟然為咗錢，甘願將老婆出租。
雖然唔少人心裏有數，呢啲出租老婆，其實咪即係妓女，不過唔少外國人卻認為出租老婆比妓女可愛得多。因為雙方並唔係一晚半晚嘅性伴侶，而係最少三個月嘅短期夫妻關係，一定會有更多溝通，所以揀出租老婆，唔一定以靚行先。據伴遊公司負責人透露，好多上門搵老婆嘅客人，就係唔想結婚，但偶然又想過吓婚姻生活，妓女絕對畀唔到佢哋想要嘅感覺，於是就上嚟搵短期老婆。
佢哋揀老婆首要條件唔係要靚，而係要性格溫馴，識得服侍老公。而且平時清潔家居、洗衫煮飯都要一腳踢，當老公返到屋企，仲要識得噓寒問暖，關懷備至，甚至主動為老公按摩，令佢有呵護備至嘅感覺，當然，夜晚就更加要擔擔抬抬，搞到老公洩出一身慾火，咁先至係名副其實嘅好老婆。男人遇到個咁正嘅老婆，就算工作幾忙，都會好想快啲返屋企慰妻喇！
呢啲出租老婆，最短嘅合約起碼都要3個月，不過頭一晚如果唔夾，可以立即退貨，過咗一晚無問題，就要對三個月喇！有唔少短期租客，相處之下發覺兩人真係好夾，好容易產生真感情，結果有啲本來打算搵快錢嘅人妻，最終拋夫棄子，同客人私奔。亦試過有啲人妻因為做得太投入，做愛時忘記做安全措施，結果合約期滿之後，先發覺自己有咗，真係得不償失！
撰文：西太后