一向都係活躍於中下游嘅富咸今季表現中規中矩，可能係因為新加盟嘅貝碧托夫以及薛維爾表現出色，令作客成績的確差強人意嘅富咸，返到主場特別醒神，好似好多香港夜蒲友唔敢過江，只係橫行於香港區一樣。而今仗作客嘅新特蘭，成績就真係慘不忍睹，踢咗咁多場英超只係贏得一場咁大把！十月至今仲只係入得兩球，再係咁我當埋副身家都要買佢降班。所以，我估計富咸將會大炒新特蘭，就嚟個3:0啦！