做愛係人類嘅本能，所以唔使教人人都識，不過男人往往忽略咗女人喺高潮後嘅心靈慰藉，如果事後工夫做得好，女人唔止對你加分，仲會對你死心塌地。所以男人千祈唔好掉以輕心，一於學定以下三招，滿足女人事後需要。
大部分男人做愛後，都會覺得好累，恨不得立即入睡，但女人卻唔係咁諗，雖然女人都會累，但係卻喜歡男人事後將自己擁入懷中，一齊感受彼此嘅呼吸聲，就算係一言不發，都會覺得好甜蜜，但絕對唔會想即刻聽到男人嘅鼻鼾聲，因為男人太快入睡，會令女人覺得自己好像洩慾工具，得不到被愛的感覺。
男人在高潮過後，可能已經不需要任何身體接觸，但係女人高潮過後，反而會渴望更多接觸，令兩顆心緊緊相繫。所以男人不妨在事後，同女人躺在床上閒聊，在毫無壓力的情況下增進彼此了解，加強女人嘅親密感。話題盡可不着邊際，千萬不要講嚴肅話題，否則可能會有反效果。
做愛後嘅男人可能仲未回氣，但係都應該盡量做少少事後接觸，令女人可以安心睡覺，如果你自問精力過人的話，更可以同女伴一起去沖個鴛鴦浴，令兩人嘅親密感更上一層樓。鴛鴦浴期間，更可以溫柔地愛撫女伴全身，令對方像有第二次性愛嘅感覺。呢種感覺可以令女人大感窩心，更會立即對你加分添！
撰文：巴戟